VIGAN CITY – Nagpiyansa ti sangapulo a ribo a pisos ni Aaron Barbadillo, agtawen ti sangapulo ket siyam nga agnaed idiay Patukannay, Bangued, Abra gapu iti kaso nga adda kainaigan na iti iligal a droga a sangsangwen na.
Ni Barbadillo ket maysa kadagiti estudyante a nakemmeg iti buy bust operation idi October 23 idiay Rizal Extension, Brgy. Tamag, Vigan City.
Kadua ti suspek idi ni John Luke Vincent Gatulayao, agtawen ti dua pulo ket maysa nga agnaed idiay Tapao, Sinait.
Nakaala idi dagiti pannakabagi ti linteg ti dua a sachet manipud kenni John Luke idinto nga awan met iti naala da ken ni Aaron isu a napilaan laeng iti kaso a panaglabsing ti Republic Act 9165, nangruna ti Section 15 wennu panagaramat iti iligal a droga ta nagpositibo iti drug test.
