--Ads--
VIGAN CITY – Maysa a suldado ti natay, tallo ti nadunor ngem natalgeden ti kasasaadda ken dua ti natay kadagiti mapapati a kameng ti New Peoples Army iti rinnupak a napasamak idiay Brgy. Suagayan, Sta. Lucia a nagpaot iti mano nga oras.
Malaksid kadakuada, dua a sibilyan ti nadunor ti takyagda gapu ti nayyaw-awan a bala ta napanda naglemmeng iti maysa a kalapaw iti asideg ti Candon City Bypass Road.
Iti pannaki-uman ti Bombo Radyo ken ni MDRRMO Head Romeo Buenavista, insigida a nagrespondeda kadagiti residente a na-trap iti nasao a lugar gapu ti pasamak ken tapno masigurado a natalged ti kasasaadda.
Kabayatanna, walopulo nga agindeg ti tinulongan dagiti kameng ti MDRRMO ken pinakanda.
-- ADVERTISEMENT --
