VIGAN CITY – Imbalayan ti Sta. Maria Police Station babaen ti panangidaulo ni Police Captain Joel Dasargo, officer in charge ni Lola Florencia Degracia Perez idiay Barangay Silang, Sta. Maria.
Iti pannaki-uman ti Bombo Radyo Vigan ken ni Dasargo, ti pannakapili ni Lola Florencia ket babaen kadagiti personnel ti Sta. Maria Police Station nga agliklikmot ken makidaydayalogo it lugar, nakitada ti kasasaad ti maysa nga agtawen iti siam a pulo ket maysa a baket.
Ni Lola Florencia ket agtaltalinaed iti maysa a bassit a kubo kadua ti anakna ken saannan a kabaelan ti agtrabaho isu a napili isuna kas benepisyaryo ti Pabahay ng Pulis.
Adda met dagiti dadduma pay a naayat a timmulong para ti pannakaipatakder ti balayna ken ti pannakaipaay dagiti dadduma pay a kasapulanna.
