Nauram ti maysa a pugon idiay Barangay Maradodon, Cabugao, Ilocos Sur idi rabii, April 5, 2026.
Ti nasao a pugon ket kukua ni Rogel Sabio, agtawen iti limapulo ket dua, naasawaan, mannalon nga agnaed iti nasao a lugar.
Nakaawat ti Cabugao Municipal Police Station ti report maipanggep ti napasamak nga uram iti nasao a lugar isu a nagrespondeda ket naimatanganda iti nauram a pugon ket agrukod iti 5 meteres by 6 meters.
Nagpaut iti agingga duapulo a minutos iti firefighting operations pakairamanan ti mopping-up.
Iti inisyal nga imbestigasyon nga insayangkat ti Bureau of Fire Protection ket naammoan a ti istruktura ket naaramid iti light materials ta addaan iti kayo a poste ken galvanized iron iti tuktokna.
No pay kasta ket awan iti nadangran iti nasao a pasamak ken awan iti napapateg nga alikamen iti nauram bayat iti insidente.
