Natakawan iti maysa a paglakoan idiay Santa, Ilocos Sur.
Iti pannaki-uman ti Bombo Radyo Vigan ken ni PCpt. Rovic Nelmida, Chief of Police (COP) ti Santa Municipal Police Station (MPS), naakawat ti opisinada ti awag manipud ken ni Barangay Captain Ulysses Tolentino ti Barangay Mabilbila Norte, Santa maipanggep iti mapapati a naserrek a puesto iti nagbeddengan ti nasao a barangay ken Mabilbila Sur.
Segun ken ni PCapt. Nelmida, natakuatan ti kabsat ti makinkukua ti paglakoan a nadadael iti dua a kandadona ken nakaipanen iti lamisaan, ken saan a naisilaw ti sango a paset ti paglakoan rason a makitkita tapno mapasamak ti panagtakaw.
Mapatta-patta a napukawan ti paglakoan iti gatad a nasurok-kumurang PhP50,000.00.
Agtultuloy ti imbestigasion maipanggep iti nasao nga insidente tapno masukon ti suspek. – Augie Arellano
