VIGAN CITY – Natay ti maysa a lalaki ta pinaltopaltogan dagiti suspek idiay Brgy. Don Lorenzo Querubin, Caoayan.
Nabigbig ti pimmusay a ni Jonjon Dayao, agtawen uppat a pulo ket uppat agnaed ti Brgy. Salindeg, Vigan.
Basar ti pakpakauna nga imbestigasyon ti Caoayan Municipal Police Station, nakalugan ti van ti biktima a naggapo ti galyera idi pinaltugan dagiti riding in tandem suspek.
Narekobre ti crime scene ti ado a basyo ti caliber 45 a naaramat ti pammaltog kenni Dayao a naipan ti Ilocos Sur Provincial Hospital Gabriela Silang ngem naideklara a dead on arrival ta nagsagaba ti tama ti bala ti ulo ken bakrangna.
Naammuan a drug surrenderee ti biktima ngem naturposna ti programa ti gobierno a Community Based Rehabilitation Program ken maysa kadagiti tallo nga awardee a nakitaan iti panagbalbaliwna ti biag ken naikkan kuma idi ti puonanna para iti negosyo ngem saanna nga inawat ket ta maipaima laengen ti sabali a tao.
Ti agdama manarimaanen ti imbestigasyon ti PNP inaig ti napasamak a pammaltog ken no ania ti motibo dagiti suspek.
