VIGAN CITY – Maysa a bangkay ti lalaki ti nasarakan iti irrigation canal iti paset ti Brgy Quinsoriano, ili ti Sta Cruz.
Nabigbig ti biktima a ni Froilan Barit, naasawaan , maysa a construction worker a taga Brgy Ronda Sta Lucia.
Segun kadagiti pannakabagi ti linteg, nakaawatda ti report manipud kenni Russel Teodoro nga adda nakita na a bangkay iti irrigation canal ket segun iti imbestigasyon, mapapati a natnag ken nalmes iti kauneg ti irrigation canal a tallo a kadapan ti biktima karaman ti bisiketa na ken nakitaan ti injury iti mugingna.
Segun iti putot ti biktima nga agnagan ti Marlon Barit, September 10 idi nagpakada ti ama na a mapan iti Brgy Quinsoriano partikular iti balay ni Arnold Salgado nga isu iti in-charge iti construction site a pangpanggedan ti biktima tapno mapan makiinom ngem saanen a nakaawid pay
Mapapati nga idi agawid ti biktima ket naawanan ti kontrol bayat a nakalugan ti bisikleta gapu iti kinabartek a rason iti pannakatnagna iti kanal ken pannakatama ti ulo na a puon ti nakatayanna
