Kinontra ni House Deputy Majority Leader ken Iloilo Representative Janette Garin ti inbaga ni Vice President Sara Duterte nga adda iti gobierno ti kamali iti panagaramat ti pondo a ginandatna nga ilinteg idi nagserbi kas Secretary ti Department of Education ngem awan ti nagun-odna a suporta.
Para ken ni Garin, inpakita laeng ni Duterte ti kinereklamona ken nalawag a kurang ti direksyon ken palpak ti sistema ti panangidaulona iti Deped
Inyunay unay ni Garin nga awan ti napintas a resulta nu ti agpabasol laeng ti ububraen ti bise presidente.
Dinilaw pay ti opisyal a basar iti nagbalin a budget hearing idi panawenna ket napalalo ti panaggatangda idi dagiti textbook, school furniture, learning material, IT hardware ken dadduma pay nga aggatad ti binilyon a pisos.
