Nakemmeg ti maysa a high value individual ti biang ti Philippine Drug Enforcement Agency iti naisayangkat a buy-bust operation idiay San Nicolas, San Esteban, Ilocos Sur idi March 11, 2025.
Iti pannaki-uman ti Bombo Radyo Vigan ken ni PCpt. Brian Alvin Cabe nga Officer-in-Charge iti San Esteban Municipal Police Station, nakitransaksyon ti confidential informant-da iti suspek a gappuanan iti pannakagatang iti mapapati a shabu kenkuana ken pannakakemmegna.
Ti suspek ket datin a mamonmonitor iti tignayna ta tawen 2017 ket natiliwan manen gapu met laeng iti shabu.
Agnanaed idiay Santiago ti suspek ket ti operation area-na ket manipod iti nasao nga ili, Candon City ken Sta. Lucia.
Naala kenkuana ti nasurok-kumurang dua a gramo iti mapapati a shabu nga aggatad ti P13,000.
Nagpalagip ni Cabe kadagiti umili iti pannakitinnulongda tapno maparmek iti illegal nga aramid iti lugarda.
VIDEO – PCPT. BRIAN ALVIN CABE
