VIGAN CITY – Maysa a High Value Individual ti nakemmeg iti naiwayat a buy-bust operation idiay Barangay Poblacion Este, Sta. Cruz, Ilocos Sur.
Ti suspek ket ni Santiago Galvez Suyat Jr., nailista a kas High Value Target, agtawen iti uppat a pulo ket uppat, tricycle driver, taga-Barangay Suyo, Sta. Cruz.
Naala manipud iti suspek ti nasurok kumurang 3.17 grams ti mapapati a shabu nga aggatad iti PHP21,556.00 a naikabil iti dua a piraso ti heat sealed transparent plastic sachet.
Dagiti non-drug evidence ket pakairamanan ti maysa a sangaribo a pisos a buy bust money, maysa a cellphone, cream body bag, dua a piraso ti ID, UMID ken driver’s license kasta payen ti maysa a traysikel.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
