VIGAN CITY – Maysa a foreign cargo vessel a namarkaan iti Seiyo Sapphire ti nasaripatpatan iti kabaybayan ti ili a Santa iti kaadayo a dua a nautical miles.
Nakikammayet ti Santa Police Station iti Santa Coast Guard Sub Station inaig iti nasao a docked vessel a ti gross tonnage na ket 8359 ken 4196 a net tonnage.
Naglaon ti nasao a cargo vessel iti sangapulo ket lima nga intsik, tallo a Vietnamese ken uppat a Myanmar crew pakairamanan iti captain a ni Huang Hong Bo.
Naudi a simmanglad idiay Vietnam ti cargo vessel ket nag-emergency dock iti kabaybayan ti Santa gapu iti madi a paniempo ken sumaruno idiay Taiwan.
Nupay kasta, manamnama nga ita nga aldaw a pumanaw met laeng ti cargo vessel isu nga agtultuloy a bambantayan dagiti kameng ti PCG amangan no adda bumaba kadakuada.
