--Ads--
Agpampanawagan ti maysa a concerned citizen kadagiti nangibati iti napuoran a lungon iti rabaw ti maysa a pantsong iti kamposanto ili ti Santa a mapanda simpaen ken saanda a baybay-an nga agkaiwara.
Segun ken ni alyas Jimmy, manarimaan ti panangdalusna iti pantsong dagiti kabagyanna idin ta maalumiimen a mangituloy gapu ta adda lungon a naibati ken nakaiwara a tulang ti tao.
Mapapati a nabiit pay a naaramid ti pannakaibati ti napuoran a lungon ta makita pay laeng ti dapo iti nagdalusan ken nagpuoran iti aglawlawna.
Kiddawna a saanda koma a baybay-an a nakaiwara ti nasao a lungon ta panangbastos daytoy iti pimmusay.
-- ADVERTISEMENT --
