Mangnamnama ni Manila Mayor Isko Moreno-Domagoso a ngumato ti volume dagiti deboto a makikaysa iti Nazareno 2025.
Nagpalagip ti mayor kadagiti agilaklako iti masakupan ti Quiapo a maiparit iti aglako inton January 7 agingga 9, 2026.
Segun ken ni Mayor Isko, non-negotiable amin a kalsada iti aglawlaw iti Simbaan iti Quiapo kadagiti nasao nga aldaw.
Siguradoen ti mayor a nakadeploy ti Manila Police District (MPD) tapno tumulong kadagiti deboto iti aldaw iti aktibidad ti Nazareno kangrunaan iti Traslacion.
Pinasingkedan ni Mayor Isko kadagiti journalist a posible a maapektaran ti signal jamming a mabalinda a maki-hook kadagiti system iti Manila District Risk Reduction Management Office (MDRRMO) tapno saan a marigatan ti panagidanon iti damag.
Nagpanawagan pay ti mayor kadagiti deboto a makitinnulong tapno mapagtalinaed a naurnos ken nakappia iti panagrambak.
