Maysa ti natay ken lima pay ti nadundunor gapu iti napasamak a kinaranggas iti maudi nga aldaw ti pannakaipila ti certificate of candidacy (COC) para iti 2025 elections idiay Shariff Aguak, Maguindanao del Sur.
Segun ken ni Philippine National Police (PNP) spokesperson Police Brigadier General Jean Fajardo a napasamak ti aksidente iti agarup 200 agingga iti 300 a metro manipud iti municipal office ti Commission of Elections (Comelec).
Kitkitaenen ti PNP ti posibilidad a mainaig iti eleksion ti nasao nga insidente agsipud ta tallo kadagiti innem a nairaman ket supporters ti agdama a mayor ken dagiti tallo pay ket supporters ti maysa a challenger iti 2025 polls.
Kabayatanna, kitkitaen metten ti PNP no rumbeng a mairaman ti lugar kadagiti election areas of concern.
