Naleppasen ken pinabassit ti Maritime Industry Authority (MARINA) ti cycle iti panagmonitor kadagiti Maritime Higher Education Institutions iti intero a pagilian kasaruno ti Republic Act 12021.
Manipod iti dati a napaut a panawen, ti panagmonitor ket maisaysayangkat laeng tunggal dua a tawen.
Iti agdama ket aktibo nga ad-adalen ti MARINA ti nasurok-kumurang 84 maritime schools ken 50 assessment centers a masarakan iti agduduma a paset iti Pilipinas.
Ti kangrunaan a gagem ti addang ket tapno maipangato ken mapasayaat pay iti kalidad ti maritime education iti pagilian.
Planoda pay a pagbalinen a tinawen ti monitoring cycle tapno agbalin nga epektibo iti panagmonitor.
Aktibo ti MARINA a makikamkammayet ken makitintinnulong iti Commission on Higher Education (CHED) tapno maaddaan iti nasaysayaat ken organisado a sistema iti panangsubaybay kadagiti maritime school iti intero a pagilian.
