Kiniddaw ni dati nga house speaker Ferdinand Martin Romualdez nga ag-inhibit ti Office of the Ombudsman iti imbestigasion kontra kenkuana mainaig iti maipagarup a kontrobersiya iti flood control projects, gapu ta adda pattern of prejudgment a naglabsing iti due process.
Pinasingkedan dagiti abogado na a manipud iti Villaraza ken Angangco a dagiti statement ni Ombudsman Jesus Crispin Remulla ken sumagmamano nga opisial ket nagipakita a kasla nadesisionanen ti panagipila ti kaso a plunder uray awan pay ti pormal a reklamo wenno preliminary investigation.
Dinakamat ti kampo ni Romualdez a nangrugi pay idi Nobiembre 2025 ti maipagarup a bias idi inbaga ni Remulla nga ad-adalen ti opisina-nan ti kaso ken posible nga adda plunder charges-na.
Gapu daytoy, nagpanawagan ni Romualdez nga aniaman a reklamo ket iggaman ti maysa a neutral ken independent-minded nga opisial tapno masigurado ti patas a proseso ken mapagtalinaed ti talek ti publiko iti sistema ti hustisia.
