--Ads--
Binilin ni Presidente Ferdinand Marcos Jr dagiti maseknan nga ahensia ti gobierno a siguradwenda a natalna, naurnos, ken natalged ti Traslacion ken ti seguridad dagiti minilion a deboto ti Hesus Nazareno.
Segun ken ni Palace Press Officer Usec Claire Castro, adda nalawag a pammilin ti Presidente iti Department of the Interior and Local Government ken Philippine National Police nga agtalinaed a nakaalerto ken nakasagana iti intero a panawen ti kapiestaan.
Maibasar iti PNP, 18,212 a pulis ken uniformed personnel ti maideploy kadagiti kangrunaan a ruta ken lugar ti Traslacion tapno bantayan ti kinaurnos ken kinatalged ti publiko.
