Agtalinaed ni Senador Rodante Marcoleta iti makalawas iti infirmary iti New Quezon City Jail a nakabaludan da Sen. Jinggoy Estrada ken dati a Senador Ramon Revilla.
Inlawlawag met ni Bureau of Jail Management and Penology (BJMP) Spokesperson Jayrex Bustinera a saan dayta nga special treatment iti senador ta maipanto met laeng iti ayan dagiti dadduma a balud.
Inlawlawag pay ni Bustinera a makalawas a maobserbaran ken maidalan ti quarantine ni Marcoleta ta adda isuna iti risk factor gapu ti tawenna ken mild pneumonia iti baet ti panagpangato ti kaso ti covid-19 cases idiay Quezon City.
Apaman a mayakar ni Marcoleta iti general population, makaduana ti maysa a pagbaludan ti siam pay a sabali a person deprived of liberty (PDLs). Adda kalawana dayta a 50-square meter ti pagbaludan ken dua ti ceiling fans, ken adda pay shared TV iti agbalin a pagbaludan ti senador.
Maiparit met iti panagaramat ti gadget, cellphone, laptop ken panag-access iti internet.
