Siguradoen ti Bureau of Jail Management and Penology (BJMP) a saan nga ikkan ti special treatment ni Senador Rodante Marcoleta.
Segun ken ni BJMP Spokesperson JSupt. Jayrex Bustinera, awan iti siasinoman a persons deprived of liberty (PDL) ti maikkan ti VIP Treatment iti salinong ti kustodiada.
Kinumpirmaran pay ti BJMP nga adda iti kustodiya ti Quezon City Jail Male Dormitory ti senador.
Ti pannakayakar ken ni Marcoleta iti Quezon City Jail ket kasaruno ti bilin ti Sandiganbayan kalpasan a pinasingkedan dagiti doktor iti UP-Philippine General Hospital nga awan ti rason tapno agtalinaed pay a naka-hospital arrest ti senador.
Sumangsango ti senado kadua ti tallo pay a padada nga akusado iti kaso a plunder gapu iti mapapati a saan a naideklarar a P75 million campaign donations.
