VIGAN CITY – Paimbestigaran ni Senador Imee Marcos tapno kumpirmaran ti report maipapan iti panangdadael ti Amerika iti bakuna ti China ti COVID-19 a Sinovac ken panang-target iti lumawlawa nga impluensya ti China kadagiti Pilipino.
Nadismaya ni Marcos iti nakumpirmaan a report ti Pentagon gapu ta biag dagiti Pilipino iti mapagpapatangan iti isyu a nagresulta iti panagkedked dagiti adu nga umili a mai-inject iti Sinovac kontra iti virus bayat ti kangitingitan ti pandemia.
Nakaituding met ti imbestigasyon intun June 24 maipapan iti ‘secret campaign’ ti US kontra China.
Mangnamnama ni Marcos a makabirok iti saksi para iti daytoy nangruna ta aminado ti agpapanday-linteg a narigat ti agbirok iti ebidensia mainaig iti nasao nga isyu.
Nagpanawagan pay ti senador ti Department of Health (DOH) a tumulong iti senado iti nasao nga imbestigasyon.
