--Ads--
Maipasango iti kaso a Direct Assault Upon a Person in Authority ti maysa a mannalon gapu iti panangdanogna iti rupa iti kapitan idiay Barangay Arangin, Sta. Lucia, Ilocos Sur.
Nabigbig ti suspek a ni Billy Anillo Natividad, agtawen iti uppat a pulo ket uppat, taga-Barangay Paoc Norte, Sta. Lucia.
Ti met biktima ket ni Barangay Captain Francly Quezada Fernandez, agtawen iti uppat a pulo ket tallo, taga-Barangay Arangin.
Segun iti witness a ni Alfredo Dumisiw Valdez, nagpaputok ti suspek iti improvised firecracker iti namitlo a daras iti pagtaenganda isu a sinangatna.
-- ADVERTISEMENT --
Rimsua ti nabara a saritaan iti nagbaetanda ket napan naganawa dagiti barangay official ken tanod.
Mapapati pay a dinanog ti suspek ti rupa ti nasao a kapitan.
