--Ads--
Balligi nga insalakan ti Philippine Coast Guard (PCG) ti mangngalap a naireport a mapukpukaw iti kabaybayan a sakop iti Bajo de Masinloc idiay Zambales.
Binigbig ti PCG ti mangngalap a ni Roberto Albior, agtawen iti limapulo ket tallo a taga-Calapandayan, Subic, Zambales.
Kalpasan iti mano nga aldaw a panagsapul ket nasarakan ni Albior babaen ti tulong ti bangka nga FFB CHIEF IVER nga insigida a nagreport iti PCG isu nga inarayat ti BRP Cape San Agustin.
Naisina ni Albior manipod kadagiti sangapulo ket dua a kaduana idi August 22,2025 gapu ti napigsa nga angin ken dalluyon manipod iti Bagyo Isang iti bangkada nga FFB SAIDER.
-- ADVERTISEMENT --
Kabayatanna, natalged met a naisubli idiay Subic dagiti sangapulo ket dua a mangngalap.
