Umdas ti pondo iti gobierno a maaramat para iti panangtulong kadagiti biktima iti napigsa a ginggined idiay Sarangani ken kadagiti kaasidegan a probinsia.
Dayta iti impasigurado ni Palace Press Officer Atty. Claire Castro kasaruno ti magnitude 7.8 a ginggined a timmama idiay Maasim, Sarangani ken dadduma pay a probinsia ita nga aldaw.
Segun ken ni Castro, maaramat ti quick response fund kadagiti ahensya iti gobierno nga agtigtignay kadagiti kalamidad kas iti ginggined.
Binilin ni Pres. Ferdinand Marcos Jr. iti amin nga ahensya para iti rescue ken tapno makissayan ti epekto ti didigra kadagiti umili.
Iti agdama ket agtultuloy iti isaysayangkat nga assessment kadagiti lokal a gobierno kadagiti lugar idiay Mindanao a natamaan iti napigsa a ginggined a maibasar iti inisyal a report ket adda dagiti pasdek a naapektaran ken adda dagiti nadangran iti insidente.
