Pakaragsakan iti Malakanyang iti report a dandanin magun-od iti Pilipinas ti upper-middle income threshold.
Segun ken ni Palace Presss Officer USec. Claire Castro, pammaneknek dayta nga agtrabtrabaho ti administrasyon tapno mapasayaat iti ekonomia iti pagilian iti baet dagiti sangsangwen a karit.
Awan ti panagdudua ti Malakanyang a magun-od ti Pilipinas ita a tawen ti upper middle-income status kangrunaan ket $26 dollars laengen iti kurang.
Nupay kasta ket kinuna ni Castro nga inton July 2026 to pay laeng a maammoan ti nasao a banag.
Maipalagip a mismo a dagiti economic manager ni President Ferdinand Marcos Jr. iti nangibaga a magun-odda iti upper middle-income status ita a tawen.
Nu kas bilang makaabot ket maddaan ti access ti Pilipinas ti internet markets, economic stability, improved economic growth ken dadduma pay.
