--Ads--
Kinumpirmaran ti Malacañang Palace a maipaayan ti sabali a posision iti gobierno ni dati a PNP Chief Gen. Nicholas Torre III.
Pinasingkedan ni Palace Press Officer Usec. Claire Castro a maur-uray pay laeng ti sungbat ni Torre iti diaya kenkuana ni Presidente Ferdinand R. Marcos, Jr., rason nu apay a saan pay a maipalgak iti Malakanyang no ania ti posision para ken ti dati a hepe ti PNP.
Impaganetget ni Usec. Castro a kasapulan a raemen ti kinabileg ni Presidente Marcos, Jr. iti panangikkatna iti puestona ken ni Torre.
Kinuna pay ni Castro a nagsarita ti Presidente ken ni Torre III, ken naawatan ti opisial ti desisyon ti presidente. – Augie Arellano
-- ADVERTISEMENT --
