Kinondenar ti sarita ti abogado ni dati a Pres. Rodrigo Duterte a ni Nicholas Kaufman a daddadaelan laeng ni Pres. Ferdinand Marcos Jr. iti panagakem ni Duterte.
Iti umuna nga aldaw ti confirmation of charges iti International Criminal Court (ICC), maysa a tawag iti telepono iti naawatna ken impannakkelna a mangiruarda kadagiti witness tapno dadaelan ti dati a presidente.
Segun ken ni Palace Press Office Usec. Claire Castro, ti nasao nga alegasyon ni Kaufman ken ni Pres. Marcos ket maibilang a kalokoan.
Innayon pay ni Castro nga arigna ni Kaufman ita iti adda rikriknaenna ken saan a ti kliyentena a ni Duterte ta malipatanna a ti crimes against humanity case a naipila iti ICC kontra ken ni Duterte ket idi 2017 pay laeng, a maysa a private citizen pay laeng ni Marcos.
Impaganetget ni Castro a saan a nalawag ti nagbalin a defense lawyer ni Kaufman ta dagiti mapapati a napasamak nga extrajudicial killings ket idi mayor pay laeng ni Duterte idiay Davao City.
