Nagtaripnong manen dagiti opisyal iti Malakanyang iti panangidaulo ni Executive Secretary Ralph Recto kadua iti duapulo ket dua a lider manipod iti siam a business groups ken 25 executives dagiti kompania iti langis a mangbukbukel dagiti addang a mangpalag-an iti epekto iti krisis iti petrolyo.
Gagem ti nasao a patangan a salakniban ti productivity iti pagilian ken lapdan iti napaspas a panag-ngina iti presyo dagiti magatang gapu iti agtultuloy a tensyon idiay Middle East iti nagbaetan ti United States, Israel ken Iran.
Ti nasao a taripnong ket kinumpirmaran ni Energy Secretary Sharon Garin a ti agdama nga imbentaryo iti pagilian ket umdas iti agingga limapulo nga aldaw.
Impaganetget ni Recto nga ita ket pappapigsaen iti gobierno ti oil diplomacy tapno masigurado a kanayon nga umanay ken manaynayaunan iti stock iti langis iti pagilian.
