Irespeto ti Malakanyang ti pangngeddeng ti House Committee on Justice nga ideklarar nga adda umdas iti porma wenno sufficient in form ti dua nga impeachment complaint kontra ken ni Pres. Ferdinand Marcos Jr.
Segun ken ni Palace Press Officer USec. Claire Castro, paset dayta iti proseso a rumbeng nga irespeto.
Innayonna a natalek ti presidente a saan nga agbalin nga umdas ti substansya dagiti reklamo.
Kinunana a natalek ti presidente ta awan iti inaramidna a panaglabsing iti linteg wenno aniaman nga impeachable offense.
Imbutaktak ni Castro a no madanagan man ket saan a para iti bagina no diketdi iti epekto ti impeachment iti ekonomia.
Inawagan nga irrelevant ti Malakanyang ti sarita ti Makabayan Bloc a ni Pres. Marcos ti biggest fish iti organized plunder.
Kinuna ni Castro, nadaras iti agsarita iti sangwanan iti media wenno camera ngem narigat a paneknekan iti pammabasolda.
