--Ads--
Awan pay ti naawat ti Malakanyang nga official request manipud iti kampo ni dati a Presidente Rodrigo Duterte mainaig iti posible a temporary a panagawidna ditoy pagilian.
Kasaruno daytoy ti kinuna ti legal counsel ni Duterte a ni Atty. Nicholas Kaufman a natalekda a makaala ti dati a presidente iti temporary a pannaka-wayawaya sakbay ti naituding a confirmation hearing inton Setyembre.
Segun ken ni Palace Press Officer Claire Castro, awan ti pagibasaran tapno pagpatangan ti administrasyon ti isyu agingga awan ti pormal a kiddaw a maipasa iti Malakanyang.
Innayon ni Castro nga ania man nga addang mainaig iti nasao a banag ket maadal laeng no opisialen ti request manipud iti kampo ni Duterte.
-- ADVERTISEMENT --
