--Ads--
Inanamungan ti Malakanyang ti imbaga ni Vice President Sara Duterte a timmaray laengen koma kas mayor ti Davao City, imbes a nag-bise presidente.
Segun ken ni Palace Press Officer Atty. Claire Castro, nasaysayaat pay koma no nagtalinaed laengen a mayor ti Davao City ken nagbotos dagiti umili iti bise presidente a tumulong koma ken ni Presidente Ferdinand Marcos Jr.
Kinuna ni Castro a kasapulan ti maysa a bise presidente nga agtrabtrabaho, agtigtignay saan ket nga agbakbakasion ken mangdaddadael kadagiti ar-aramiden ti presidente.
Impaganetget ti opisial a kasapulan ti pagilian ti mabalin a katulongan ti presidente tapno mapasayaat ti biag dagiti Pilipino.
-- ADVERTISEMENT --
