--Ads--
Awan ti plano ti Malakanyang a padarsen ti Interpol iti panangtiliw ken panangpaawid ken ni dati a Cong. Zaldy Co.
Segun ken ni Palace Press Officer ken Presidential Communications Office Usec Atty. Claire Castro, addan inruar ti Interpol a Blue Notice isu a nasaysayaat nga urayen ti sumaruno nga addang dagiti otoridad.
Iti agdama, pannakipatang pay laeng ti inaramid ti Malakanyang kagiddan ti panangkaritda ken ni Co nga agawid ditoy pagilian ken sangwenna ti kaso.
Kinuna pay ni Castro a no pudno dagiti pammabasul ti dati a kongresista kontra ken ni Presidente Ferdinand Marcos Jr mainaig iti budget insertion ket nasaysayaat no sapataanna iti sangwanan ti korte tapno nadagdagsen ken addaan met laeng iti kredibilidad.
-- ADVERTISEMENT --
