--Ads--
Binalakadan ti Malakanyang ti abogado ni dati a Presidente Rodrigo Duterte a ni Atty. Nicholas Kaufman a saan a mabiag iti argumento mainaig iti napalabas.
Dayta ket kalpasan nga inukag ti kampo ni Duterte ti posision ti gobierno idi 2023 a mangkukwestion iti hurisdiksion ti International Criminal Court wenno ICC.
Segun ken ni Palace Press Officer Claire Castro, nasaysayaat no tutukan ni Kaufman ti agbalin a depensa para iti kliyentena.
Impaganetget ni Castro a ti nagbalin nga addang ti gobierno ket saan a tapno sumurot iti ICC no di ket naibasar iti agpampannuray a linteg ti Pilipinas ken pannakibinnuligda iti Interpol.
-- ADVERTISEMENT --
