--Ads--
Kinontra ni dati a Senador nga ita ket Makati Mayor Nancy Binay dagiti pammabasul ni dati a Department of Public Works and Highways Usec Roberto Bernardo nga adda 15 percent a komision manipud iti flood control project.
Segun ken ni Binay, nakigtot ken maladingitan iti pannakairamanna kadagiti anomalia ti DPWH, ta kunana nga awan ti kinapudno dagiti naipabasul kenkuana.
Kunana a naulimekda nga agtrab-trabaho kas mayor ti Makati.
Iti salaysayna iti panagdengngeg ti Senate Blue Ribbon Committee, kinuna ni Bernardo nga idi 2024, timmawag kenkuana ni Carleen Villa, staff ken trusted confidant ni Sen. Binay ket nagkiddaw iti commitment a 15 percent manipud iti pakabuklan a gatad ti proyekto nga isu met ti dinakamatna ken ni Alcantara.
-- ADVERTISEMENT --
