VIGAN CITY – Negatibon iti Covid19 ti maikauppat a pulo ket lima a kaso ti probinsia a maysa a lalaki, agtawen ti duapulo nga agnaed idiay Allangigan Primero, Candon City, Authorized Person Outside Residence agsipud ta isuna ket maysa a midwife.
Adu dagiti quarantine ken community based facilities a napanan ti pasyente nga isu ti mapapati a nakaalaanna ti virus ken pinasingkedanna nga awan iti aniaman a nariknana a sintomas.
Iti pannaki-uman ti Bombo Radyo Vigan kenkuana, pinadasna ti insingasing kenkuana ni Engr. John Foz nga agmulumog ti kalalainganna a pudot ti danum a nalaokan ti asin ket nariknana a simmayaat ti kasasaadna.
Positibo a sinango ti pasyente ti pannakaapektarna iti nasao a sakit numan pay adu dagiti madamdamagnan nga adu dagiti matmatay ken kritikal ti kasasaadda gapu ti Covid19.
Nupay kasta, insingasingna ti nasao a wagas kadagiti padana met laeng a naapektaran iti Covid19 ken sumurot ti tunggal maysa kadagiti mayetnag a pagannurotan tapno maliklikan ti nasao a sakit.
