Naimaldit iti maika-lima a kaso iti covid-19 ditoy probinsia kas kinumpirmaran ni Gov. Ryan Singson.
Ti IS-C5 ket maysa a lalaki nga agtawen ti tallo pulo ket pito nga aganed iti San Ildefonso, agtrabtrabaho kas Security Guard iti maysa a branch iti National Agency a masarakan idiay Bantay.
Pinaglibakan ti pasyente nga adda iti travel history na ket inaminna a kanayon a mapan agtrabaho a posible a pagtaudan iti impeksyon iti trabahona.
Iti agdama ket nasayaat iti kasasaad iti pasyente nga addaan iti bassit a mild symptom ken naka-isolate iti ISPHGS.
Awan kadagiti nabigbig a close contact ti pasyente iti addaan iti senyales iti sintomas iti impeksyon ngem naka-quarantine-dan.
Agtultuloy met iti contact tracing iti katrabahoanna iti sumarsaruno nga aldaw tapno masigurado nga awan iti community transmission.
Maidalan iti Extreme Enhnaced Community Quarantine iti intero a Barangay Iboy, San Ildefonso manipod July 11 agingga July 25 ket nakapagdesisyon pay iti Municipal Mayor a suspensoen amina Religious Mass gathering iti LGU iti dua a lawas.
Kabayatanna nagpalagip ti gobernador nga adda pay laeng iti covid-19 ket awan iti siasino man a mailaksid isu a rumbeng iti panagannad.
