Madriaga, mapapati a naidiayaan iti P500M agingga P1B tapno saan a tumestigo kontra ken ni VP Sara

Pinasingkedan ni Atty. Raymund Palad, abogado ti nagpayam-ammo a mapapati a “bagman” ni Vice President Sara Duterte a ni Ramil Madriaga, a naidiayaan ti kliyentena iti P500 million agingga P1 billion tapno saan a tumestigo kontra iti bise presidente.

Mapapati a naawat ni Madriaga daytoy a pasuksok babaen iti maysa a tawag iti telepono idi Pebrero.

Maipalagip nga idi kallabes ket pinilaanen ni VP Sara iti reklamo a perjury ni Madriaga.

Segun iti kampo ti bise presidente, nasken a madusa ni Madriaga kadagiti kinaulbodna.