VIGAN CITY – Saan a ban ti maysa a tao nu naideklarar a persona non grata ta karbengan latta nga agbiahe sadinoman a papanan.
Ti nasao a banag ket kalpasan ti pannakadeklarar dagiti vlogger a da Rosemarie Tan Pamulaklakin wenno Rosmar ken Rendon Labador a persona non grata gapu ti panangkomprontarda ti maysa nga staff ti Local Government Unit idiay Coron, Palawan.
Iti pannaki-uman ti Bombo Radyo Vigan ken ni Atty. Chino de Leon iti programa Duralexsedlex, nawaya latta ti maysa a tao a mapan ti maysa a lugar ngem saan laengen a welcome ken saanen a maseknan ti dagiti lumugar ti kinatalgedda.
Segun ken ni Atty. De Leon, nu bilang maideklarar a persona non grata ket nasaysayaat nga agkiddaw ti pammakawan ken makipatang iti mayor babaen ti panagaramid ti resolusyon a mangibabawi ti deklarasyon.
