Na-revoke ti License to Own and Posess Firearm (LTOPF) ken amin a corresponding Firearm Registrations ni Barangay Captain Ryan Seares Luna a taga-Barangay Dangdangla, Bangued, Abra.
Iti pannaki-uman ti Bombo Radyo Vigan ken ni PLt. Col. Daniel Pel-ey manipod Abra Police Provincial Office, inruar ti Firearms and Explosives Office iti Philippine National Police iti salinong ti Civil Security Group ti Order of Revocation kontra ken ni Luna kalpasan iti dua a shooting incident a napasamak a nakairamananna.
Segun ken ni Pel-ey, immuna ti pammaltog idi April 27, 2022 iti covered court idiay Barangay Angad, Banged, Abra a nagresultaan ti pannakatay ni Ronie Bermudez Bringas idinto a ti maikadua ket napasamak idi April 21, 2025 idiay Sitio Agdamay, Barangay Budac, Tayum, Abra a nakadunoran ni Jordan Claustro Barcena ken nakatayan ni Jay-ar Tanura.
Segun ken ni Pel-ey, idi naiserbi ti Order of Revocation ken ni Luna ket adda panagduduana ngem idi nailawlawag dagiti polis ti gagarada ket inawatna ti bilin ken nagpirma.
Napawaywayan iti tallo nga aldaw ni Luna para iti panangisukona kadagiti sangapulo ket walo a paltog.
VIDEO – PLT. COL. DANIEL PEL-EY
