--Ads--
Nagballaag ti Land Transportation Office a mangitunda iti peggad iti kinatalged dagiti pasahero ti maysa a kolorum a lugan ta saan a dimmalan daytoy iti kasapulan a safety inspection ken awan ti insurance-da.
Ti ballaag ti LTO ket gapu iti agtultuloy a panagpangato ti bilang dagiti agaw-awid kadagiti nadumaduma a probinsia ita a Semana Santa.
Segun ken ni LTO-NCR Regional Director Roque Verzosa III, nasken a liklikan ti aglugan kadagiti kolurom a lugan ta palimed ti operasyonda ken awan ti terminalda.
Kunana nga awan pay ti insurance-da ta dagitoy ket likliklikanda dagiti regulasyon ti gobierno, buwis, ken safety checks.
-- ADVERTISEMENT --
Gapu dayta, al-allukoyen ti LTO ti publiko nga ireport kadagiti otoridad ti ania man nga aktibidad ti kolorum.
