VP Sara, nakasagana a dumalan iti lie detector test

Nakasagana ni Vice President Sara Duterte a dumalan iti maysa a lie detector test ken awan ti makitkitana a parikut iti daytoy.

Segun ken ni Duterte, mabalin isuna a dumalan no la ket maipakita iti publiko ti resulta ti lie detector test a maibagbaga a naaramid ken ni Gracioso.

Impaganetget ti Vice President a ni Gracioso mismo ti nangaklun a pimmasa isuna iti lie detector test.

Gapu dayta, kayat met ni Duterte nga agbalin a silulukat iti publiko ti resulta tapno maadal amin a nagbalin a findings.

Impaganetgetna a saan a kumontra isuna iti panangisayangkat iti lie detector test, nangruna no agbalin a transparent ti proseso ken resultana.