Vigan City – Impalawag ni Christine Natividad nga agnaed idiay Barangay 9, Vigan City a live-in-partner ni Jiovanni Arce a suspek iti pammagkong idi naminsan nga aldaw a saan a napapanaw isuna iti Barangay Cuta, Vigan City ta bukodda a desisyon iti pimmanaw iti nasao a lugar.
Segun kenni Natividad, adda iti nagpipirmaanda iti Barangay a nakailanad nga isuda nga aglive-in iti pimmanaw gapu iti napasamak a riri iti kallabes.
Impalawagna a di napasamak iti insidente ket nagtalinaed pay laeng iti maysa a pagtaengan iti Cuta ta saan a kayat ni Esteban Arce nga ama ti Jiovanni a sumrek isuna iti pagtaenganda idi impilit ni Jiovanni ket nakunana a saan a nagprubukar no di ketdi nasayaat iti panagtugtugna iti rikep iti arwangan.
Kinuna pay ni Natividad a nasakit ti nakem ni Jiovanni ta saanda ammo nga isakit isuna ket nagpunto ti amana isu a nagibansag ken inasitganna ti anakna sana dinanog agingga nagtinnulonganda ken ni Cirilo Carpio isu a nangala iti kutsilyo na ta awan iti labanna kadakuada ta arigna dangranda pay koma isuna.
