VIGAN CITY – Saan pay nga ammo ni Orlino Ujano a taga Barangay Napo, Magsingal ni siasino iti nagtakaw iti lima a kalding na.
Segun ken ni Ujano, saan na a napan nakita dagiti taraken na a kalding idi June 1, aldaw ti Sabado, gapu iti kinapigsa iti todo ken kimat ket idi aldaw ti domingo,June 2, sinapa na a napan kinita ngem awanen dagiti taraken ni iti uneg ti kamarin ket inpagarup na a nakabulos da laeng.
Agingga nga idi malem ti domingo, naamuan ni Ujano a natakaw dagiti kalding na gapu iti panangipadamag ti kayong na nga adda iti nakita na a maysa a kurong kurong a nakailuganan dagiti maatap a kalding na ngem saan na a nailasin nu siasino da.
Gapu iti dayta, maal-alarma dagiti tattao nga adu iti dingwen na gapu iti kaso ti panagtakawan a mapaspasamak kadagiti kabangibangang a luglugar ket atapen da a rabii iti panagdakiwas dagiti mannanakaw.
