Binabalaw ti liderato ti Kamara ti agtultuloy a panangliklik ni Vice Preisent Sara Duterte a mangsungbat kadagiti alegasion mainaig ti saan nga usto a panagaramat ti pondo ti opisinana ken ti Department of Education (DepEd) babaen ti panangidaulona.
Segun ken ni Senior Deputy Speaker Aurelio Gonzales Jr. ken House Majority Leader Manuel Jose Dalipe, panawenen tapno sanguen ti bise presidente ti isyu.
Inyunay-unay ni Gonzales, a kuarta ti umili ti pagsasaritaan, isu a kasapulan ti nalawag a sungbat manipud iti maikadua a Presidente.
Iti sabali a bangir, binabalaw ni Dalipe ti panang-atake ti bise presidente kadagiti dadduma a tattao imbes a lawlawaganna dagiti isyu a sangsanguen ti lideratona.
Imbes a sungbatan dagiti isyu, pinili ti bise presidente nga atakehen ni Presidente Ferdinand R. Marcos Jr.
Maipalagip a rumrumuar iti kaudian a hearing ti House Blue Ribbon Committee nga inruar ti DepEd nga inusar da ti P15 billion confidential and intelligence fund para iti Youth Leadership Summit wenno YLS, ngem segun kadagiti retirado ken aktibo nga opisial a nagatendar iti militar, ti AFP ken local government units ti nangiruar iti pondo para iti YLS.
