Suportado ti maysa nga agpampanday linteg ti Kamara a biagen ti Libreng Sakay program ti gobierno tapno matulongan dagiti commuter iti panagngato ti plete gapu ti agtultuloy a panagngina ti presio ti produkto petrolyo.
Segun ken ni Solid North Party-list Rep. Ching Bernos, magunggonaan iti nadakamat a programa dagiti estudyante ken daily wage earners a sobra a naapektaran iti panagngato ti gastos iti transportasion.
Immuna met a pinasingkedan ni Acting Transportation Secretary Giovanni Lopez nga imbilin an dagiti opisial ti road sector nga usaren ti P1 bilyon a pondo iti salinong ti 2026 General Appropriations Act para iti Service Contracting Program (SCP).
Iti salinong ti SCP, mabalin a sumrek ti katulagan ti gobierno iti public utility vehicle cooperatives ken operator’s tapno mangted ti transport services kadagiti commuter.
