--Ads--
Nagballaag ti Department of Energy a saan a dagus a maisubli ti normal a presio ti petrolyo uray no sumardeng ti riribuk iti Middle East.
Segun ken ni Energy Secretary Sharon Garin, uray impalubos ti Iran a natalged a dumalan dagiti barko nga adda banderana ti Pilipinas iti Strait of Hormuz, agtalinaed a nangina ti presio gapu iti nakaro a pannakadadael dagiti imprastruktura ti langis ken agtultuloy a delivery cost.
Inlawlawag ni Garin a ti napaspas a panagpangina ti presio ket gapu iti pammomba kadagiti oil field ken pasilidad iti Middle East – ti kangrunaan a pagalan ti pagilian.
99 percent iti suplay ti langis ti pagilian ket aggapgapu kadagiti rehion a naapektaran iti riribuk idinto a 20 a porsiento met ti intero a lubong.
-- ADVERTISEMENT --
