Adda dakkel nga akem ti Local Government Units iti panang-depensar ti soberania ti Pilipinas iti West Philippine Sea, segun iti Department of the Interior and Local Government (DILG).
Pinasingkedan ni DILG Assistant Secretary for International Relations Lilian De Leon, ti epektibo a local governance ket makatulong a mapapigsa ti maritime sovereignty ti pagilian.
Dagiti lokal a gobierno ket kabaelan da a protektaran ti WPS kagiddan ti panangiyam-ammo ti sustainable development.
Nagpanawagan met ni Interior Secretary Jonvic Remulla kadagiti Pilipino nga ikkaten pay laeng ti political colors no maipapan iti patangan ti West Philippine Sea ken impaganetget na a saan a masapul a magudua ti Pilipino iti nadakamat nga isyu.
Innayon na pay a a dagiti lokal a gobierno ket sumoporta iti rules-based efforts para iti soberania ti pagilian ken iti West Philippine Sea.
