--Ads--
Nagpalagip ti Local Government Unit ti San Ildefonso, Ilocos Sur iti publiko mainaig iti agpampannuray a curfew para kadagiti menor de edad.
Dayta ket manipud alas dyes iti rabii agingga alas kwatro iti parbangon.
Nakailanad iti Ordinance No. 05-2023 wenno ti updated Youth Welfare Code ti ili a saan a mapalubosan nga agyan, agpasiar wenno agtambay dagiti menor de edad kadagiti pampubliko a lugar iti nasao nga oras nga awan ti legal wenno nainkalintegan a rason.
Inallukoy ti LGU dagiti nagannak ken guardian a tarabayen ken bantayan dagiti annakda tapno mapagtalinaed ti kinatalged, kappia, ken urnos iti komunidad.
-- ADVERTISEMENT --
