--Ads--
VIGAN CITY – Pinasingkedan ni Burgos Mayor Nathaniel Escobar nga agtaltalinaed a COVID free ti ilida agsipud ta awan pay ti nairekord a nagpositibo iti nasao a sakit.
Nu pay kasta, adda ti duagasut limapulo ket maysa a person under monitoring nga isu iti kitkitaen da iti agdama.
Pagyamanan ni Escobar ti panangsurot dagiti kailianna kadagiti paglintegan nga inyetnag ti national ken provincial government para iti pagsayaatan ti tunggal maysa iti kangitingitan ti pangta ti COVID 19.
Inpasigurado na a nakasaganada a tumulong kadagiti kailianda ta planplanuendan ti panagiwarasda ti bagas ket nakapatangnan dagiti kapitan iti tunggal barangay para iti nasao a banag.
