Nakisinnarak dagiti miembro ken opisial ti League of Provinces of the Philippines ken ni Presidente Ferdinand Marcos Jr iti Malakanyang upang ipakita ti suportada iti lideratona.
Suportaran ti liga dagiti napateg a gakat a kayat a maipasa ti presidente a pakabenepisyaran dagiti umili.
Segun ken ni Palace Press Officer Atty. Claire Castro, agtaltalinaed ti kompiansa ti liga iti administrasion ni Presidente Marcos Jr. iti baet dagiti riri iti pulitika agraman ti pilit a panangkiddawda nga agikkat ti presidente iti puesto ken panangdadael ti kabsatna a senadora.
Nagyaman met ti presidente iti agtultuloy a talek ti liga iti administrasionna ken impasiguradoda ti agtultuloy a pannakaital-o ti transparency ken responsable a pannakaaramat ti kuarta dagiti umili.
