Nadunor iti rupa ti maysa a lalaki ta tinagbat ti kabsatna idiay Barangay Balaweg, Nagbukel, Ilocos Sur idi alas dies kuarentay singko iti rabii idi November 23, 2024.
Ti biktima ket ni Ronald Cardona Lapitan, agtawen iti duapulo ket pito idinto a ti suspek ket ni Eliseo Cardona Lapitan, agtawen iti tallopulo, naasawaan, laborer nga agpada nga agnaed iti nasao a lugar.
Kinumprontar ti suspek ti kabsatna ta saanna a dinalusan ti lamisaan idi nalpas a nangan isu a nagririda idin tinagbat ti suspek ti rupa ti biktima babaen ti iggemna a buneng a gappuanan ti pannakadunor ti biktima.
Naanawa dagiti dua ti inada isu a naipan ti biktima iti Ilocos Sur District Hospital-Narvacan babaen kadagiti kabagyanda idinto a naglibas ti suspek.
Insayangkat dagiti pannakabagi ti linteg ti hot pursuit operation para iti pannakakemmeg ti suspek.
